logo sc uni basel badminton neu

Wie üblich hämmr mit de beide Doppel agfange. Dr Raphi und dr Dominik hän e sehr ängs Doppel ka mit lange  umstrittene Ballwechsel. Leider hän sie am Schluss ganz knapp verlore.
D Anja und ich hän echli Aalaufziit brucht im erste Satz hän aber trotzdem 18 Pünkt gmacht. Dr 2. Satz isch denn relativ klar zu gunste vom 2. Platzierte Uni Bern usgfalle.

erschtliga

Witergange ischs mitem Dameeinzel und em Herreeinzel 2. D Anja het obwohl sie in dr 2. hälfti vom 1. Satz super guet d Gegnerin usgspilt het, dr 1. Satz nüm für sich könne gwünne. Dr 2. Satz isch leider au an Uni Bern gange.


Dr Dominik isch sim Gegner klar überlege gsi und het dr Match suverän heimgspiilt und het somit dr 1. Punkt für uns gholt.

S Herreeinzel 1 und 3 hän dr Joel und dr Raphi ebefalls für sich könne entscheide.
Dr Joel het gege e Nati B spieler wo isch cho Ushälfe e brillianti Leistig aneglegt. Im 2. Satz het er uns no chli lo zittere het abr in dr Vrlängerig gwunne.
Dr Raphi het im 1. Satz relativ klar gwunne. Im 2. Satz ischs bis in dr Hälfti usgliche gsi, isch denn abr am Schluss zu gunste vom Gegner usgange. Dr 3. Satz het dr Raphi denn könne gwünne und het somit dr 3. Punkt füre SC Uni Basel gholt.

Zum Schluss isch no s Mixed ko, wo dr Joel und ich gspilt hän. In dr 1. Hälfti vom 1. Satz hämmr noni so ins Spiil inegfunde. In dr 2. Hälfti hämmer denn dütlich besser gspilt und hän am Schluss leider unseri vile Fähler vom erste Teil vom 1. Satz nüm könne Wett mache und hän zu 18 verlore. Im 2. Satz isch uns denn e Lektion erteilt worde und dr Match isch an Uni Bern gange. Somit het dr NLB Spiler  em Uni Bern dochno öpis brocht.
Somit isch 4:3 füre 2. Platzierte Uni Bern gstande und mir hen mit ere knappe Niederlag widr döffe heimego.

 

Bericht: Annalisa